Ish-deputeti i AAK’së, Muharrem Nitaj po thotë se qëndrimi i Aleancës për dialogun është i qartë, e se nuk është ky një proces që i takon një partie të caktuar politike.

Nitaj në Facebook ka shkruar se Albin Kurti është kryeministër i shkarkuar dhe shton se nuk ka mandat për krijimin e ekipeve për dialog.

Ai thotë se pavarësisht se kush do të jetë në krye të qeverisë, AAK do t’i ofrojë mbështetjen.

Sipas ish-deputetit dialogu duhet të drejtohet nga një qeveri e votuar dhe jo një e shkarkuar.

Postimi i tij i plotë: 

Qendrimi i AAK-se per dialogun ka qene i qarte tash e sa kohe. Dialogu nuk eshte nje proces qe i takon nje partie politike, por ne te duhet te jene te perfshire te gjithe. Deri ketu jemi ne rregull.
Por Albin Kurti eshte kryeminister i shkarkuar dhe nuk besojme se ai ka mandat te jete nismetar i krijimit te ekipeve per dialog. Kjo i takon nje qeverie te re, e cila duhet te jete e votuar ne Kuvend dhe ta kete mandatin e plote.
Ne nuk mund te paragjykojme sot per qeverine e re, por pavaresisht se kush do te jete ne krye te saj, ne do t’i japim mbeshtetjen tone dhe do ta ofrojme kontributin tone, qofte edhe si pjesemarrje ne krijimin si e nje konsenzusi nacional per dialogun.
Ne Kosove ka ndodhur shkarkimi i Qeverise dhe nuk mund te sillemi sikur s’ka ndodhur asgje.

Dialogun duhet ta drejtoje nje qeveri e votuar e jo nje qeveri e shkarkuar!